سپریم کورٹ وزیراعظم اور وزراء کی گرفتاری کا حکم دے، مریم نواز
اسلام آباد (92 نیوز) - مسلم لیگ نون کی نائب صدر مریم نواز نے سپریم کورٹ سے وزیر اعظم اور وزرا کی گرفتاری کا حکم دینے کا مطالبہ کردیا۔
اگر ملک کو بچانا ہے تو عمران خان، سپیکر اور ڈپٹی سپیکر کو ملک دشمنی اور ملک اور آئین کو نقصان پہنچانے پر گرفتار کرنا چاہیے۔ پوری قوم کا یہ مطالبہ ہونا چاہیے۔ اٹھو اور اپنے پاکستان کو ایک غاصب کے ناجائز قبضے سے چھڑاو۔ ملک کے لیے آواز اٹھاؤ 🇵🇰#IstandWithPakistan
ہفتہ کو اپنے ٹویٹ پیغام میں انہوں نے لکھا کہ بیوروکریسی کو حکومتی احکامات پر عملدرآمد سے بھی رو کا جائے۔ عمران خان نے مقدمات اور گرفتاری سے بچنے کے لیے عدالتی احکامات کو پاؤں تلے روندھا، جعلی خط اور غیر ملکی سازش کا ڈرامہ رچا کر سفارتی تعلقات کو خراب کیا۔
ووٹنگ کراؤ بزدلو ! pic.twitter.com/vEumB2qC1y
— Maryam Nawaz Sharif (@MaryamNSharif) April 9, 2022
اس سے قبل مریم نواز نے ٹویٹ کیا کہ ووٹنگ کراؤ بزدلو! لکھا کہ عدم اعتماد سے خائف جنونی نے پورے ملک کو منجمد کردیا، بائیس کروڑ کی آبادی کا ملک کئی ہفتے سے بغیر حکومت کے ہے، آئین کی کھلی خلاف ورزی اور سپریم کورٹ کی حکم عدولی کا انجام برا ہوگا۔ بیوروکریسی، انتظامیہ کو حکومت کی طرف سے آنے والے کسی بھی احکامات کی تعمیل کرنے سے انکار کرنا چاہیے۔