سوشل میڈیا پر فوج اور عدلیہ کے خلاف مہم چلانے والوں کے خلاف کارروائی ہو گی، شیخ رشید
لاہور (92 نیوز) - وفاقی وزیرداخلہ شیخ رشید کا کہنا ہے کہ سوشل میڈیا پر فوج اور عدلیہ کے خلاف مہم چلانے والوں کے خلاف کارروائی ہو گی۔
شیخ رشید نے حالات میں روزبروز بہتری ہونے کی پیش گوئی کر دی۔ لاہور میں نیوز کانفرنس کے دوران کہا کہ پاکستان میں انتخابات جلدی بھی ہو سکتے ہیں۔ حکومت کے اتحادی ایک دو دن میں فیصلہ کرلیں گے۔ سیاست میں بکنے والوں کی کوئی عزت نہیں رہتی۔
انہوں نے کہا جو نسلی اور اصلی ہیں وہ اپنی پارٹیوں کے ساتھ قائم ہیں ۔ عثمان بزدار سمیت کوئی کہیں نہیں جا رہا۔ ہمارے پاس بھی اپوزیشن کے ذمہ دار لوگ ہیں جو ووٹ ڈالنے نہیں جائیں گے۔ عمران خان کسی کو برخاست نہیں کر رہے، یہ سوشل میڈیا کی جھوٹی خبریں ہیں۔