Sunday, January 29, 2023

سعودی عرب، موسلادھار بارش کے باعث 4 انڈر پاس عارضی طور پر بند، سڑکیں زیر آب آگئیں

سعودی عرب، موسلادھار بارش کے باعث 4 انڈر پاس عارضی طور پر بند، سڑکیں زیر آب آگئیں
January 2, 2023 ویب ڈیسک

ریاض (اے پی پی) - سعودی عرب میں مکہ، مدینہ، جدہ اور دیگر شہروں میں موسلا دھار بارش کے باعث سڑکیں زیر آب آگئیں اور 4 انڈر پاس عارضی طور پر بند ہو گئے۔

سعودی خبررساں ادارے کے مطابق موسمیات کے قومی مرکز نے خبردار کیا ہے کہ جدہ، رابغ اور الکامل میں شروع ہونے والی موسلا دھار بارش کا سلسلہ آئندہ روز سہ پہر تک جاری رہے گا۔

قومی مرکز سمیات نے کہا کہ مکہ مکرمہ، جدہ، الخرمہ، المویہ، تربہ، رنیہ، اضم، میسان، طائف، الکامل، رابغ، خلیص، عسفان، الجموم، بحرہ، اللیث اور الشعیبہ میں موسلا دھار بارش کے باعث سیلابی صورتحال کا خدشہ ہے۔

بیان میں کہا گیا کہ بارش کا سلسلہ مدینہ منورہ، ریاض، حائل، القصیم، الجوف، لشرقیہ، حدود شمالیہ اور شمال مشرقی علاقوں ک پھیل جائے گا۔ بارش کے باعث بیشتر علاقوں میں ٹریفک کا نظام درہم ہرہم ہو گیا جبکہ جدہ میں بارش کے باعث4انڈر پاس عارضی طور پربند کردیئے گئے۔