سندھ کے گوداموں میں ایک ارب 66 کروڑ روپے کی گندم غائب
کراچی (92 نیوز) - سندھ کے گوداموں میں ایک ارب 66 کروڑ روپے کی گندم غائب کر دی گئی۔
محکمہ اینٹی کرپشن نے گیارہ اضلاع میں تحقیقات شروع کر دیں۔ تین مقدمات بھی درج کر لئے۔
محکمہ خوراک کی درخواست پر ڈائریکٹر اینٹی کرپشن شہزاد فضل عباسی نے تحقیقات شروع کروائیں۔ ابتدائی مرحلے میں کشمور، جیکب آباد اور شہداد کوٹ اضلاع میں تین مقدمے درج کر لیے گئے۔ گندم غائب کرنے میں ملوث افسران کی گرفتاری کیلئے چھاپوں کا سلسلہ بھی جاری ہے۔
ڈائریکٹر فوڈ کیجانب سے کی گئی محکماتی تحقیقات نے گندم کی فصل میں بڑے پیمانے پر کرپشن کا انکشاف ہوا۔ محکمہ اینٹی کرپشن نے سکھر، شکارپور، بدین اور جامشورو کے سرکل افسران نے مزید مقدمہ درج کرنے کی اجازت مانگ لی۔