شیخ رشید نے پٹرولیم قیمتوں میں اضافہ عوام پر ظلم قرار دیدیا
اسلام آباد (92 نیوز) - سابق وزیرِداخلہ شیخ رشید نے پٹرولیم قیمتوں میں اضافہ عوام پر ظلم قرار دے دیا۔
کوئی روئےگایاروئےگی بعدکی بات ہےآج ساری قوم رورہی ہے9 فروری کو IMFکی شرائط سب کورُلادےگی ذبح خانےمیں لےجائےگی اورسڑکوں پرماتم کرائےگی دیکھتےہیں ڈالرپہلے300کاہوتاہےیاپیٹرول ہوتاہے100دن میں الیکشن ناگزیرہیں صوبےاورمرکز میں اکھٹےہوں گےورنہ جوڈوکراٹےہوں گےڈارکوآوٹ سورس کرناہوگا
— Sheikh Rashid Ahmed (@ShkhRasheed) January 29, 2023
شیخ رشید نے اتوار کو ٹویٹ پیغام میں لکھا کہ آج ساری قوم رو رہی ہے، 9 فروری کو آئی ایم ایف کی شرائط سب کو رُلا دیں گی۔ دیکھتے ہیں پہلے ڈالر 300 کا ہوتا ہے یا پٹرول۔
سابق وزیرداخلہ نے کا کہنا تھا کہ مریم کے آنے کے پہلے روز 35، 35 روپے پٹرول، ڈیزل مہنگا کر کےسلامی دی گئی ہے۔ پاکستان کی سلامتی اور خودمختاری سپریم کورٹ کے کندھوں پر آگئی، ساری قوم سپریم کورٹ کی طرف دیکھ رہی ہے۔
مریم کےآنےکےپہلےروز35 35روپےپٹرول ڈیزل مہنگا کر کےسلامی دی گئی ہےپاکستان کی سلامتی اورخودمختاری سپریم کورٹ کےکندھوں پرآگئی ساری قوم سپریم کورٹ کی طرف دیکھ رہی ہےالیکشن کرانےہوں گےیاپھرجھاڑوپھرجائےگاغریب کی تنخواہ کم ازکم50ہزار کی جائےعوام اداروں سےلڑے گی نہیں چوروں کوچھوڑےگی نہیں
— Sheikh Rashid Ahmed (@ShkhRasheed) January 29, 2023
شیخ رشید نے مزید کہا کہ الیکشن کرانے ہوں گے یا پھر جھاڑو پھر جائے گا، غریب کی تنخواہ کم از کم 50 ہزار کی جائے۔ عوام اداروں سے لڑے گی نہیں، چوروں کو چھوڑے گی نہیں۔