شہباز شریف کا انتخابات سے انکار اقتدار سے چمٹے رہنے کی عکاسی ہے، فواد چودھری

اسلام آباد (92 نیوز) - تحریک انصاف کے رہنماء فواد چودھری نے کہا کہ شہباز شریف کا انتخابات سے انکار اور اقتدار سے چمٹے رہنا ان کی خواہش کا عکاس ہے۔

اتوار کے روز اپنے ٹویٹ پیغام میں انہوں نے کہا کہ میثاق معیشت ایک احمقانہ خیال ہے، سیاسی جماعتیں سیاسی فریم ورک پر اکٹھی ہوتی ہیں، معاشی فریم ورک صرف کمیونسٹ نظام میں ایک ہوتا ہے۔

فواد چودھری نے مزید کہا کہ کوئی بھی کرائم منسٹر کی تباہ کن معاشی پالیسیوں کی حمایت نہیں کرسکتا، ملک گیر تحریک کا آغاز ہو چکا ہے انشااللہ یہ حکومت چند ہفتوں کی مہمان ہے۔

کوئ بھی ذی ہوش شخص کرائم منسٹر کی حکومت کی تباہ کن معاشی پالیسیوں کی حمائیت نہیں کر سکتا، کل رات لاکھوں لوگوں نے لاہور جلسے میں آزادی کے خواب کی تعبیر کو حقیقی آزادی ملنے تک نامکمل قرار دیا، ملک گیر تحریک کا آغاز ہو چکا ہے انشاللہ یہ حکومت چند ہفتوں کی مہمان ہے

— Ch Fawad Hussain (@fawadchaudhry) August 14, 2022