شہباز شریف اور حمزہ شہباز کے خلاف منی لانڈرنگ کیس کی تاریخ تبدیل کرنے کی درخواست مسترد
لاہور (92 نیوز) شہباز شریف اور حمزہ شہباز کے خلاف منی لانڈرنگ کیس میں اسپیشل جج سینٹرل نے ایف آئی اے کی کیس کی تاریخ تبدیل کرنے کی درخواست مسترد کر دی۔
عدالت نے درخواست مسترد کرتے ہوئے قرار دیا کہ سماعت میں صرف تین روز باقی رہ گئے، اب تاریخ تبدیل کرنا مناسب نہیں۔
ایف آئی اے نے مؤقف اختیار کیا تھا کہ شہباز شریف فیملی کے خلاف منی لانڈرنگ کیس کی سماعت نیب کورٹ میں بھی 18 فروری کو کی جائے گی۔ اگر دونوں عدالتوں میں ایک ہی روز سماعت ہوئی تو ملزمان کے وکیل تاخیری حربے استعمال کر سکتے ہیں۔ عدالت 18 فروری کی بجائے 17 یا 19 کو کیس کی سماعت کرے۔