صدر مملکت کو بھی بروقت انتخابات نہ ہونے پرتشویش، وزیراعظم کو خط لکھ دیا
اسلام آباد (92 نیوز) - صدر مملکت عارف علوی نے پنجاب اور خیبرپختونخوا میں الیکشن کیلئے وزیراعظم کو خط لکھ دیا۔
خط میں لکھا کہ توہین عدالت سے بچنے کیلئے وزیر اعظم انتخابات کیلئے الیکشن کمیشن کی معاونت کی ہدایت کریں۔ ایگزیکٹو اتھارٹیز اور سرکاری محکموں نے آئین کی کھلم کھلا خلاف ورزی کی ہے۔
اُن کا کہنا تھا کہ ملک میں جاری انسانی حقوق کی پامالی قابل تشویش ہے، وزیراعظم وفاقی اور صوبائی حکومتوں کے تمام متعلقہ انتظامی حکام کو انسانی حقوق کی پامالی سے باز رہنے کی ہدایت کریں۔
