سچ بولنے والے کو سوشل میڈیا پر نشانہ بنایا جاتا ہے، نور عالم خان
پشاور (92 نیوز) پی ٹی آئی کے ایم این اے نور عالم خان کا کہنا ہے قیادت کو کہا آپ بلدیاتی انتخابات ہار جائیں گے۔ سچ بولنے والے کو سوشل میڈیا پر نشانہ بنایا جاتا ہے۔
پی ٹی آئی کے ایم این اے نور عالم خان نے پارٹی قیادت پر ایک بار پھر تنقید کر ڈالی۔ ان کے یکے بعد دیگر ٹویٹس آئے جس میں لکھا لوگ تحریک انصاف کے اہم افراد کے نام ای سی ایل میں ڈالنے کے مطالبے پر پریشان کیوں ہیں؟ پارلیمنٹ کی پہلی 3 قطاروں میں بیٹھے لوگوں کی ہی وجہ سے مہنگائی اور عوام پر مصیبتیں آئی ہیں۔
Who ever speaks The truth in parliament in media other areas are then targeted on social media cursing insulting then cases against them please we are just pointing and showing the real picture what's happening in Pakistan for us Pakistan zindabad
— Noor Alam Khan (@NOORALAMKHAN) January 19, 2022
نورعالم خان نے کہا کہ انہیں پبلک اکاؤنٹس کمیٹی سے ہٹانے کا فیصلہ ظاہر کرتا ہے کہ معاملہ پارٹی ڈسپلن کا نہیں۔ جو لوگ اب مجھ پر تنقید کر رہے ہیں کہ میرا ماضی دیکھیں، میں تو پہلے ہی لوگوں کے مسائل پر بات کر رہا تھا۔
نور عالم خان نے تحریک انصاف کے امیر ارکان پر بھی سوال اٹھا دیا، لکھا میں تو خاندان کی 300 سال پرانی زمینیں بیچ کر گزارا کرتا ہوں، ریکارڈ بھی دے چکا۔ کوئی ان لوگوں سے پوچھے یہ ارب پتی کیسے بنے؟
When I say front 3 rows it's all but I think other side is facing it so it's time front rows should be made accountable and I was votedby my constituency people when ever what ever they say I will do I was telling the leadership you will losrlocal bodies election and they lost
— Noor Alam Khan (@NOORALAMKHAN) January 19, 2022
ایک اور ٹویٹ میں نورعالم نے کہا کہ جو بھی پارلیمنٹ یا میڈیا پر سچ بولے اسے سوشل میڈیا پر نشانہ بنایا جاتا ہے لیکن عمران خان یاد رکھیں، ہم صرف پاکستان کی بہتری کی بات کر رہے ہیں۔ انہوں نے پاکستان زندہ باد کا نعرہ بھی لگایا۔
آخر میں نورعالم نے واضح کیا کہ انہیں حلقے کے لوگوں نے منتخب کیا ہے، جو ان کے ووٹر کہیں گے، وہ وہی کریں گے۔ کچھ بھی ہو جائے پارلیمینٹ میں اپنی آواز بلند کرتے رہیں گے۔
