سارے تماشے کا مقصد راجہ ریاض کو بچانا ہے، فواد چودھری
اسلام آباد (92 نیوز) - رہنماء تحریک انصاف فواد چودھری کہتے ہیں سارے تماشے کا مقصد راج ریاض کو بچانا ہے۔
منگل کے روز اپنے ٹویٹ پیغام میں انہوں نے کہا کہ محدود تعداد میں اسمبلی جانے کا مقصد راجہ ریاض کو اپوزیشن لیڈر کے عہدے سے فارغ کرنا تھا، ورنہ اس قومی اسمبلی کی کوئی نمائندہ حیثیت نہیں کہ اس میں واپس جائیں۔
راجہ ریاض کو بچانے کیلئے اسپیکر کے اقدامات کے نتیجے میں اس وقت 40فیصد نشستیں خالی ہو چکی ہیں، ملک انتخابات کے مزید قریب آگیا ہے، اس بحران کا واحد حل قومی انتخابات ہیں حکومت کتنا عرصہ عوام سے کترائے گی آخر فیصلہ لوگوں نے کرنا ہے اور فیصلہ ووٹ سے ہو گا
— Ch Fawad Hussain (@fawadchaudhry) January 24, 2023
فواد چودھری نے کہا کہ اس وقت شہباز شریف حکومت ایک سو بہتر لوگوں کی حمایت کھو چکی ہے اور امپورٹڈ وزیراعظم حکومت بچانے کیلئے لوٹوں پر انحصار کر رہے ہیں، اس وقت چالیس فیصد نشستیں خالی ہو چکی ہیں۔
پی ٹی آئی رہنماء نے مزید کہا کہ ملک انتخابات کے مزید قریب آگیا ہے، اس بحران کا واحد حل قومی انتخابات ہیں، فیصلہ لوگوں نے کرنا ہے اور فیصلہ ووٹ سے ہو گا۔