Monday, June 27, 2022

روجھان میں دہشت کی علامت سمجھے جانے والے جرائم پیشہ ڈاکوؤں نے ہتھیار ڈال دیئے

روجھان میں دہشت کی علامت سمجھے جانے والے جرائم پیشہ ڈاکوؤں نے ہتھیار ڈال دیئے
February 11, 2022 ویب ڈیسک

روجھان (92 نیوز) روجھان میں دہشت کی علامت سمجھے جانے والے جرائم پیشہ ڈاکوؤں نے ہتھیار ڈال دیئے اور قومی دھارے میں شامل ہونے کی پیشکش کر دی۔

بدنام زمانہ اور دہشت کی علامت سمجھے جانے والے ڈاکو آخرکار بندوق کی زندگی سے تنگ آکر پرامن شہری بننے کے خواہاں ہیں ۔ ان کا کہنا ہے کہ ہم ملکی اداروں، پولیس اور شہریوں سے مزید لڑنا نہیں چاہتے۔ مقدمات کے خاتمے کی یقین دہانی کروائی جائے تو ہم جرائم کی زندگی ترک کرتے ہوئے اپنے بچوں کو بندوق کی بجائے قلم کتاب تھمانے کو تیار ہیں۔

قومی پرچم تھامے جرائم پیشہ افراد نے مقامی سرداروں اور پولیس کو مشروط پیشکش کر دی ہے ۔ متعلقہ ادارے پیشکش کا مثبت جواب دیں تو اس دیرینہ مسئلے کو سلجھایا جا سکتا ہے۔