رحیم یار خان میں ایک ہی خاندان کے 12 افراد گردن توڑ بخار سے چل بسے
رحیم یار خان (92 نیوز) - رحیم یار خان میں ایک ہی خاندان کے بارہ افراد کےجاں بحق ہونے کی رپورٹ سامنے آگئی۔
محکمہ صحت کا کہنا ہے کہ رپورٹس کے مطابق گردن توڑ بخار ایک ہی خاندان کے 12 افراد کی موت کی وجہ بنا۔ متاثرہ آبادی اور ملحقہ علاقوں میں خون کے نمونے اور رہائشی افراد کا طبی معائنہ کیا جارہا ہے۔ خوراک، پانی اور خون کے نمونے حاصل کرکے مزید تشخیص کیلئے لیب بھجوائے جارہے ہیں۔
محکمہ صحت کے مطابق مرض کے پھیلاؤ کو روکنے کیلئے ٹیمیں علاقے میں اقدامات کر رہی ہیں۔