رئیل میڈرڈ اور لیگاوارسا کا فٹ بال میچ تماشائیوں نے میدان جنگ بنا دیا

میڈرڈ (ویب ڈیسک) سپین میں فٹ بال میچ سے قبل سٹیڈیم کے باہر پولیس اور تماشائیوں میں جھڑپیں۔ تماشائیوں کا پتھراو، آگ کے گولے پھینکے۔ پولیس نے بھی لاٹھی چارج کر کے خوب دھلائی کی۔ تفصیلات کے مطابق میڈرڈ میں رئیل میڈرڈ اور لیگا وارسا کے درمیان فٹ بال میچ سے قبل سان تیاگو برناڈو سٹیڈیم کے باہر تماشائی اور پولیس میں جھڑپیں شروع ہو گئیں جس کے بعد سٹیڈیم کے باہر کی سڑکیں میدان جنگ بن گئیں۔ لیگا وارسا فٹ بال کلب کے حامیوں نے پولیس پر پتھراو کیا اور آگ کے گولے پھینکے جس پر پولیس نے بپھرے تماشائیوں کو منتشر کرنے کے لیے لاٹھی چارج کیا۔