راولپنڈی کے علاقے ڈھوک کھبہ میں مسلح افراد نے گھر میں گھس کر رقاصہ بسمہ کو قتل کر دیا
راولپنڈی (92 نیوز) راولپنڈی کےعلاقے ڈھوک کھبہ میں قتل کی لرزہ خیز واردات ہوئی۔ پولیس کے مطابق مسلح افراد نے گھر میں گھس کر ڈانسر بسمہ کو فائرنگ کر کے قتل کیا۔
پولیس کے مطابق ملزمان ٹیکسلا کے رہائشی تھے۔ صبح تقربیاَ ساڑھے پانچ بجے لڑکی کے گھر میں گھس کر فائرنگ کی ۔ ملزمان میں حمزہ نامی ملزم مقتولہ کا دوست تھا۔ معمولی تلخ کلامی پر فائرنگ کر دی ۔ مقتولہ بسمہ کی لاش پوسٹمارٹم کیلئے ہسپتال منتقل کر دی گئی۔ مقتولہ کا تعلق ملتان بتایا جا رہا ہے۔
سی پی او عمر سعید ملک نے واقعہ کا نوٹس لیتے ہوئے ایس پی راول کو فوری طور پرملوث ملزمان کی گرفتاری کا حکم دیا۔
واضح رہے کہ جمعہ کے روز بھی راولپنڈی میں لائیو شو کے دوران ڈانسر کو فائرنگ کرکے قتل کر دیا گیا تھا۔
