آج قومی سلامتی میٹنگ میں الیکشن بھی ایجنڈے کا حصہ ہونا چاہئیں، شیخ رشید
راولپنڈی (92 نیوز) - سربراہ عوامی مسلم لیگ شیخ رشید کہتے ہیں آج قومی سلامتی کی میٹنگ میں الیکشن بھی ایجنڈے کا حصہ ہونا چاہئیں۔
جمعہ کے روز اپنے ٹویٹ پیغام میں انہوں نے کہا کہ ٹیکنو کریٹ حکومت کی آئین میں گنجائش نہیں، نگران حکومت انتخابات کے لیے آسکتی ہے۔ نظریہ ضرورت دفن ہوچکا ہے، 13 جماعتوں کا گلدستہ مرجھا گیا یہ ہیلی کاپڑکی لینڈنگ میں پھنسے ہوئے ہیں۔
13 جماعتوں کا گلدستہ مرجھاگیایہ ہیلی کاپڑکی لینڈنگ میں پھنسےہوئےہیں ریموٹ کنٹرول حکومت کےسیل ختم ہو گئےہیں ساراملک تھریٹ الرٹ میں آچکاہےہم نےدہشگردی ختم کر نی ہےکسی کی جنگ کا حصہ نہیں بنناآج قومی سلامتی کی میٹنگ میں الیکشن بھی ایجنڈےمیں ہوناچاہیےآٹانایاب بجلی گیس لوڈشینگ8گھنٹےہے
— Sheikh Rashid Ahmed (@ShkhRasheed) December 30, 2022
شیخ رشید نے کہا کہ دہشتگردی ختم کرنی ہے کسی کی جنگ کا حصہ نہیں بننا، سارا ملک تھریٹ الرٹ میں آچکا ہے۔ استعفے اقراری یا انکاری نہیں اب ملک کی بقاء کا مسئلہ ہے۔
اُن کا مزید کہنا تھا کہ زرمبادلہ کے ذخائر تشویش ناک حد تک 6 ارب ڈالر سے کم ہو گئے ہیں۔ دیکھنا ہوگا سعودی عرب اور چین سے تین، تین ارب ملتے ہیں یا نہیں۔ آئی ایم ایف کا مسئلہ بھی لٹکا ہوا ہے۔