پی ٹی آئی کا پنجاب اور کے پی میں استعفے نہ دینے، اسمبلیاں تحلیل کرنیکا فیصلہ
![پی ٹی آئی کا پنجاب اور کے پی میں استعفے نہ دینے، اسمبلیاں تحلیل کرنیکا فیصلہ](https://urdu.92newshd.tv/wp-content/uploads/2022/11/456127.webp)
لاہور (92 نیوز) - پاکستان تحریک انصاف نے فیصلہ کیا ہے کہ استعفے نہیں دیئے جائیں گے بلکہ پنجاب اور خیبرپختونخوا میں اسمبلیاں تحلیل کی جائیں گی۔
یہ فیصلہ پیر کو چیئرمین پی ٹی آئی عمران خان کی زیر صدارت ہونے والے اجلاس میں کیا گیا۔ اجلاس میں سپیکر پنجاب اسمبلی اور دیگر نے شرکت کی۔
شرکاء کی اکثریت نے استعفے پیش کرنے کے بجائے اسمبلیاں تحلیل کرنے کی تجویز دی۔
اجلاس نے پی ٹی آئی چیئرمین کو اسمبلیاں تحلیل کرنے کا اختیار دے دیا۔ اسمبلیاں تحلیل کرنے کی حتمی تاریخ کا اعلان 2 سے 3 دن میں کیا جائے گا۔
ملاقات کے بعد میڈیا سے گفتگو کرتے ہوئے پی ٹی آئی رہنما فواد چوہدری نے کہا کہ عمران خان اس معاملے پر مزید مشاورت کریں گے۔ انہوں نے مزید کہا کہ 'عمران خان منگل کو چوہدری پرویز الٰہی سے ملاقات کریں گے'۔
انہوں نے کہا کہ سندھ اور بلوچستان کے ایم پی اے بھی استعفے جمع کرائیں گے۔ مزید برآں، قومی اسمبلی کے سپیکر راجہ پرویز اشرف سے پی ٹی آئی کے ایم این ایز کے استعفے قبول کرنے کے لیے کہا جائے گا۔