پرتگال کے اسٹار فٹ بالر کرسٹیانو رونالڈو زیادتی کے الزام سے بری

لزبن (92 نیوز) - پرتگال کے اسٹار فٹ بالر کرسٹیانو رونالڈو زیادتی کے الزام سے بری ہوگئے۔

امریکی عدالت کے جج نے رونالڈو کے خلاف الزام خارج کردیا، عدالت نے فیصلے میں کہا مدعی خاتون کے وکیل نے چوری شدہ ریکارڈ پر انحصار کیا۔ کیتھرین مایورگا نامی خاتون نے رونالڈو پر 2009 میں زیادتی کرنے کا الزام لگایا تھا۔

کیتھرین مایورگا نے ستمبر 2018 میں نیواڈا کی ریاستی عدالت میں ایک شہری مقدمہ دائر کیا جس میں رونالڈو پر 2009 میں لاس ویگاس کے ایک ہوٹل کے پینٹ ہاؤس سویٹ میں اس کے ساتھ زیادتی کا الزام لگایا گیا تھا۔

پریمیئر لیگ کلب مانچسٹر یونائیٹڈ کے لیے کھیلنے والے رونالڈو نے کہا ہے کہ وہ بے قصور ہیں۔

جج نے کہا کہ کسی کیس کو مکمل طور پر خارج کر دینا جس کو دوبارہ دائر کرنے کا کوئی اختیار نہیں ہے ایک سخت سزا ہے، لیکن یہ کہ رونالڈو کو خاتون کے وکیل لیسلی مارک اسٹوول کے طرز عمل سے نقصان پہنچا ہے۔