پرویز الہٰی اعتماد کا ووٹ لینے کے بعد اسمبلی تحلیل کردیں گے، فواد چودھری

اسلام آباد (92 نیوز) - پی ٹی آئی رہنما فواد چودھری نے امید ظاہر کی ہے کہ وزیر اعلی پرویز الہٰی اعتماد کا ووٹ لے کر اسمبلی تحلیل کردیں گے۔

میڈیا سے گفتگو کرتے ہوئے اُن کا کہنا تھا کہ اسمبلی تحلیل کے بعد تحریک انصاف انتخابات کی طرف جائے گی، عوام کا عمران خان پر مکمل بھروسہ ہے، کسی کو شہبازشریف اور بلاول بھٹو پر اعتماد نہیں۔

فواد چودھری نے مزید کہا کہ پی ٹی آئی کے ساتھ اسٹیبلشمنٹ کے تعلقات  اچھے ہیں، کوئی مسئلہ نہیں۔

اُنہوں نے کہا کہ اسمبلی میں داخلے سے کسی کو نہیں روکنا چاہیے۔