پنجاب میں موسم سرما کی تعطیلات کے بعد اسکول کل کھل جائیں گے
![پنجاب میں موسم سرما کی تعطیلات کے بعد اسکول کل کھل جائیں گے](https://urdu.92newshd.tv/wp-content/uploads/2022/01/06094355_27.webp)
اسلام آباد (92 نیوز) بچوں کی موجیں ختم ہو گئیں۔ اب صرف پڑھائی ہو گی۔ پنجاب میں موسم سرما کی تعطیلات کے بعد اسکول کل کھل جائیں گے۔
وزیر تعلیم پنجاب مراد راس نے ٹویٹ میں لکھا اساتذہ اور طلبا کو اسکولوں میں واپسی پر خوش آمدید کہتے ہیں۔ کورونا ایس اوپیز پر عملدر آمد یقینی بنائیں۔
ANNOUNCEMENT
— Murad Raas (@DrMuradPTI) January 6, 2022
All schools of Punjab that had winter vacation till January 6th, 2022 will open tomorrow January 7th, 2022. We welcome our students and teachers back to school. Please follow COVID SOPs issued by the government.
قبل ازیں پنجاب میں اسکولوں کی موسم سرما تعطیلات میں 20 جنوری تک توسیع کا امکان تھا۔ سردی کی شدت میں اضافے کے باعث محکمہ اسکول ایجوکیشن پنجاب کی جانب اسکولوں کی موسم سرما کی چھٹیاں20 جنوری تک بڑھانے پر غور کیا جارہا تھا۔
واضح رہے کہ پنجاب حکومت نے اسکولوں میں 23 دسمبر سے 6 جنوری تک موسم سرما کی تعطیلات کا اعلان کیا تھا۔