وزیراعظم نواز شریف آذربائیجان کے دورے پر باکو پہنچ گئے
باکو (92نیوز) وزیراعظم نواز شریف آذربائیجان کے دورے پر باکو پہنچ گئے۔ وزیراعظم آذربائیجان کی قیادت سے پاکستان کی پرامن ہمسائیگی کی پالیسی پربھی بات کریں گے۔ دورے میں علاقائی اور عالمی امور خصوصاً جنوبی ایشیا کی صورتحال پر تبادلہ خیال ہوگا۔ وزیراعظم کے خصوصی مشیر طارق فاطمی بھی ان کے ہمراہ ہیں۔
وزیراعظم اپنے دورہ کے دوران آذربائیجان کے صدر سمیت دیگر قیادت سے ملاقاتوں کے دوران دوطرفہ امور اور تجارتی تعلقات پر بات کریں گے۔ وزیراعظم کا آذربائیجان کا یہ پہلا دورہ ہے۔
