پاکستانیوں اور پوری امت مسلمہ کیلئے فخر کا دن’’یوم تکبیر‘‘ آج منایا جا رہا ہے

لاہور (92 نیوز) - یوم تکبیر، پاکستانیوں اور پوری امت مسلمہ کیلئے فخر کا دن، پاکستان ایٹمی قوت کے طور پر دنیا میں ابھرا، آج یوم تکبیر منایا جا رہا ہے۔

انیس سو اٹھانوے میں آج ہی کے دن چاغی کے پہاڑوں پر ایٹمی دھماکے کیے گئے، پاکستان نے بھارت کے پانچ کے مقابلے میں چھ ایٹمی دھماکے کیے۔

پاکستان ایٹمی دھماکے کرکے مسلم دنیا کی پہلی جوہری طاقت بنا، جوہری ہتھیاروں کی صلاحیت نے پاکستان کی قومی سلامتی کو یقینی بنایا، خطے میں طاقت کا توازن برقرار رکھتے ہوئے استحکام بھی پیدا کیا۔