پاکستانی قوم اپنے شہیدوں کی قربانیاں کبھی فراموش نہیں کرے گی، وزیراعظم
اسلام آباد (92 نیوز) - وزیراعظم شہباز شریف کا کہنا ہے پاکستانی قوم اپنے شہیدوں کی قربانیاں کبھی فراموش نہیں کرے گی۔
آج سانحہ اے پی ایس کےشہدا سےعقیدت اور ان کے لواحقین کا غم بانٹنےکا دن ہے۔ وزیراعظم شہبازشریف نے ٹویٹ کیا کہ برسوں بعد بھی غم ہے کہ بھلایا نہیں جاتا ۔ سولہ دسمبر دہشت گردی کے خلاف پورے پاکستان کے ایک آواز ہونے کا دن ہے۔
16 دسمبر دہشت گردی کے خلاف پورے پاکستان کے ایک آواز ہونے کا دن ہے۔ یہ دن پوری دنیا کے لئے پیغام ہے کہ پاکستان نے دہشت گردی کے خاتمے کے لئے عظیم قربانیاں دی ہیں۔ ہماری یہ جدوجہد جاری ہے جو اس عفریت کے مکمل خاتمے تک اسی آہنی ارادے اور ثابت قدمی سے جاری رہے گی۔
— Shehbaz Sharif (@CMShehbaz) December 16, 2022
یہ دن پوری دنیا کے لئے پیغام ہے کہ پاکستان نے دہشت گردی کے خاتمے کے لئے عظیم قربانیاں دی ہیں۔
وزیر اطلاعات مریم اورنگزیب نے کہا کہ آٹھ برس گذرنے کے باوجود ہم سانحہ اے پی ایس کو نہیں بھول سکے۔ سانحہ کے شہدا نے پوری قوم کو دہشت گردی کیخلاف متحد کیا۔
وزیر داخلہ رانا ثناء اللہ نے کہا کہ سانحہ آرمی پبلک سکول پشاور ملکی تاریخ کا ایک غمناک ترین واقعہ ہے۔ سفاک اور درندہ صفت دہشت گردوں نے معصوم اور کمسن بچوں کو حملہ کرکے شہید کر دیا۔ 16 دسمبر کا دن اے پی ایس کے شہداء کی عظیم قربانیوں کی ہمیشہ یاد دلاتا رہے گا۔
