پاکستان ٹیسٹ اسکواڈ کو دھچکا، باؤلر حارث رؤف کا کورونا ٹیسٹ مثبت آ گیا
لاہور (92 نیوز) - پاکستان ٹیسٹ اسکواڈ کو دھچکا لگ گیا۔ فاسٹ باؤلر حارث رؤف کا کورونا ٹیسٹ مثبت آ گیا۔
حارث رؤف ٹیم سے الگ ہو کر قرنطینہ میں چلے گئے۔ پی سی بی کے مطابق حارث رؤف کو ٹیم سے الگ کر کے آئسولیٹ کر دیا گیا۔ وہ کورونا ریپڈ ٹیسٹ منفی آنے پر دوبارہ ٹیم جوائن کریں گے۔
ادھر پریکٹس سیشن کے دوران شاہین شاہ آفریدی کی گیند اظہر علی کو لگ گئی۔ اظہر علی پچ پر ہی گر گئے۔ چوبیس گھنٹے آبزرویشن میں رکھا جائے گا۔