پاکستان تحریک انصاف کا پارلیمنٹ کے مشترکہ اجلاس کے بائیکاٹ کا فیصلہ
لاہور (92 نیوز) - پاکستان تحریک انصاف (پی ٹی آئی) نے پارلیمنٹ کے مشترکہ اجلاس کے بائیکاٹ کا فیصلہ کرلیا۔
ذرائع کے مطابق پی ٹی آئی سینیٹرز آج مشترکہ اجلاس میں شرکت نہیں کریں گے، پارلیمنٹ کا مشترکہ اجلاس شام چار بجے ہوگا۔
اجلاس میں دہشت گردی کی وجہ سے امن وامان کی بگڑتی صورتحال پر بحث ہوگی۔ پارلیمنٹ میں قومی اداروں کے احترام کے معاملے پر بھی بحث کی جائے گی۔
خارجہ پالیسی، معاشی صورتحال، موسمیاتی تبدیلی پر بھی بات ہوگی۔ افواج پاکستان اور اس کی قیادت کیخلاف ہرزہ سرائی کی مذمت میں قرارداد منظور کی جائے گی۔
