پاکستان کو بڑی مالی امداد کی فوری ضرورت ہے، انتونیو گوتریس کا اقوام عالم کیلئے پیغام
اسلام آباد (92 نیوز) - سیکرٹری جنرل اقوام متحدہ انتونیو گوتریس نے اقوام عالم کیلئے پیغام میں کہا پاکستان موسمیاتی تبدیلی کا ذمہ دار نہیں، لیکن قیمت چکا رہا ہے۔ جو تباہی دیکھی، بیان کرنے کیلئے الفاظ نہیں، پاکستان کو بڑی مالی امداد کی فوری ضرورت ہے۔
سیکرٹری جنرل اقوام متحدہ انتونیو گوتریس دو روز ہ دورے کے بعد واپس چلے گئے۔ انہوں نے دورہ کے دوران وزیراعظم شہباز شریف کے ہمراہ سندھ اور بلوچستان کے سیلاب متاثرہ علاقوں کا دورہ کیا۔ اوستہ محمد میں سیلاب متاثرین کیمپ کا دورہ بھی کیا۔
میں UN SG @antonioguterres کا سیلاب متاثرین کی مثالی حمایت کیلئےشکرگزار ہوں.انکا دو روزہ دورہ اس انسانی سانحے کےبارے دنیا بھر میں آگاہی پھیلانے کیلئے نہایت اہم رہا. انکی ہمدردی اور قائدانہ خصوصیات نے مجھےمتاثر کیا.پاکستان کو اس چیلینج سےنبردآزما ہونےکیلئے عالمی تعاون کی ضرورت ہے
— Shehbaz Sharif (@CMShehbaz) September 11, 2022
وزیراعظم شہباز شریف نے سیلاب زدگان کی آواز بننے پر یو این سیکرٹری سے اظہارِتشکر کیا، ٹویٹر پر لکھا کہ سیکرٹری جنرل کا دورہ انسانی المیے کی آگاہی کیلئے اہم پیغام ہے، گوتریس کے ہمدردانہ اور قائدانہ کردار نے بےحد متاثر کیا۔