پاکستان کا جوہری کمانڈ اینڈ کنٹرول نظام سب سے محفوظ ہے، عمران خان کا صدر جوبائیڈن کو جواب
اسلام آباد (92 نیوز) - سابق وزیراعظم عمران خان نے صدر جوبائیڈن کو جواب دیتے ہوئے کہا کہ پاکستان کا جوہری کمانڈ اینڈ کنٹرول نظام سب سے محفوظ ہے۔
اس پرمیرے2سوالات ہیں:1۔ہماری جوہری صلاحیت کےبارےمیں @POTUS اس بلاجواز نتیجےپر کن معلومات کی بنیاد پرپہنچےجبکہ وزارتِ عظمیٰ کےمنصب پر فائزرہنے کےباعث میں جانتاہوں کہ ہمارا جوہری کمانڈ & کنٹرول سسٹم دنیاکےمحفوظ ترین نظاموں میں سےایک ہے
— Imran Khan (@ImranKhanPTI) October 15, 2022
2۔امریکہ،جوکہhttps://t.co/nkIrlekBxQ
سربراہ پی ٹی آئی عمران خان نے امریکی صدر کے بیان پر سوالات اٹھاتے ہوئے کہا کہ امریکا جو دنیا میں جنگوں میں ملوث رہا ہے، بتائے پاکستان نےنیوکلیئرائزیشن کے بعد کب جارحیت کا مظاہرہ کیا؟ بائیڈن بتائیں کس معلومات کی بنیاد پر ہماری جوہری صلاحیت سے متعلق غیرضروری نتیجہ اخذ کیا۔
کیا یہ ہے”ترتیبِ نو“! یہ حکومت نااہلی کےتمام ریکارڈز توڑچکی ہے۔میری سب سےبڑی پریشانی یہ ہےکہ ہمیں معاشی بدحالی کی دلدل میں دھکیلنےاور اپنےلئے NRO-2 کےبندوبست سمیت وائیٹ کالر مجرموں کو ملک لوٹنےکا لائسنس تھمانےسے ہٹ کر یہ سرکارہماری قومی سلامتی پر بھی مکمل سمجھوتہ کر گزرے گی۔
— Imran Khan (@ImranKhanPTI) October 15, 2022
سابق وزیراعظم نے کہا کہ موجودہ حکومت نے نااہلی کے تمام ریکارڈ توڑ دیئے۔ بائیڈن کا بیان حکومت کی خارجہ پالیسی اور امریکا کے ساتھ تعلقات کی بحالی کے دعوؤں کی ناکامی ظاہر کرتا ہے۔
اس سے قبل ڈیموکریٹک کانگریشنل کمپین کمیٹی سے خطاب میں روس اور چین کا حوالہ دیتے ہوئے امریکی صدر نے الزام لگایا کہ پاکستان خطرناک ترین ممالک میں سے ایک ہے اور پاکستان کا ایٹمی پروگرام بے قاعدہ ہے۔