پاکستانی ’دیسی انجینئر‘ نے مٹی کی بوتلوں کا گھر بنا لیا
خان پور (92نیوز) خان پور میں انوکھے مکان کی تیاری لوگوں کی توجہ مرکز بن گئی۔ چولستان کی مٹی سے بھری بوتلوں سے مکان کی تعمیر کی جانے لگی۔ تفصیلات کے مطابق بستی قاضیاں کا رشید احمد ایک ایسا انوکھا مکان تعمیر کر رہا ہے جو پاکستان میں اپنی طرز کا پہلا مکان ہو گا۔ مکان کی تعمیر میں اینٹوں کی جگہ پلاسٹک کی بوتلیں لگائی جا رہی ہیں۔
پہلے مرحلے میں ان بوتلوں کو چولستان کی مٹی سے بھرا گیا ہے۔ اس کے بعد سیمنٹ کی مدد سے انہیں دیواروں میں لگایا گیا اور پھر لوہے کے تار کی مدد سے انہیں آپس میں جکڑ دیا گیا ہے۔ یہ عمل مکمل ہونے کے بعد دیواروں کو پلستر کر دیا جائے گا۔
مکان تعمیر کرنے والے مستری ایاز احمد کا کہنا ہے کہ مکان بنانے کا یہ کم خرچ طریقہ ہے جس کا وہ پہلی بار تجربہ کر رہا ہے۔ کامیابی کی صورت میں وہ مستقبل میں بھی اس طرز کے مکان تیار کرے گا۔
پہلے مرحلے میں ان بوتلوں کو چولستان کی مٹی سے بھرا گیا ہے۔ اس کے بعد سیمنٹ کی مدد سے انہیں دیواروں میں لگایا گیا اور پھر لوہے کے تار کی مدد سے انہیں آپس میں جکڑ دیا گیا ہے۔ یہ عمل مکمل ہونے کے بعد دیواروں کو پلستر کر دیا جائے گا۔
مکان تعمیر کرنے والے مستری ایاز احمد کا کہنا ہے کہ مکان بنانے کا یہ کم خرچ طریقہ ہے جس کا وہ پہلی بار تجربہ کر رہا ہے۔ کامیابی کی صورت میں وہ مستقبل میں بھی اس طرز کے مکان تیار کرے گا۔
