عوام نے امپورٹڈ حکومت کی قیمت ادا کرنا شروع کر دی، وزیراعظم عمران خان
اسلام آباد (92 نیوز) - سابق وزیراعظم عمران خان کا کہنا تھا عوام نے امپورٹڈ حکومت کی قیمت ادا کرنا شروع کر دی۔
عمران خان نے ٹویٹ میں لکھا بیرونی آقاؤں کی ایما پر پٹرولیم مصنوعات قیمتوں میں اضافہ کیا گیا۔ 30 روپے فی لٹر اضافہ تاریخ کا سب سے بڑا اضافہ ہے۔ نااہل اور بے حس حکومت نے روس کے ساتھ ہمارے معاہدے کو آگے نہیں بڑھایا۔ عوام اب زبردست مہنگائی کا ایک اور جھٹکا برداشت کرے گی۔ بھارت نے روس سے سستا تیل خرید کر عوام کو رعایت دی ہے۔ بھارت نے پٹرول کی قیمت میں 25 روپے فی لٹر کمی کی ہے۔
اس کے برعکس امریکہ کےسٹریٹیجیک شراکت دار بھارت نے روس سے سستا تیل خرید کر ایندھن کی قیمتوں میں 25 روپے فی لٹر کمی کی ہے۔ ہماری قوم اب مجرموں کے اس گروہ کے ہاتھوں مہنگائی کا ایک بڑا طوفان بھگتے گی۔
— Imran Khan (@ImranKhanPTI) May 26, 2022