نیب قانون کے خلاف تحریک انصاف کا یوم سیاہ
اسلام آباد (92 نیوز) - نیب قانون میں ترامیم کے خلاف پی ٹی آئی کا آج یومِ سیاہ منانے کا اعلان کردیا۔
پاکستان کی تاریخ کا آج سیاہ دن ہےجب مجرموں کی امپورٹڈسرکارکےترمیم شدہ نیب قانون نے احتساب ہی کو دفن کردیا۔تبدیلئ حکومت کی امریکی سازش کے ذریعےمحض مجرموں کےاس ٹولےکو ایک اورNRO دینےکیلئےپاکستان کی پوری معیشت+سیاسی نظام کو پٹری سےاتاراگیا۔نون لیگ کاخرم دستگیراسکی تصدیق کرچکاہے
— Imran Khan (@ImranKhanPTI) June 20, 2022
چیئرمین پاکستان تحریک انصاف (پی ٹی آئی) عمران خان کا اپنے ٹویٹ پیغام میں کہنا ہے این آر او ٹو دیکر نظام احتساب کو باضابطہ دفن کردیا گیا۔ نظامِ احتساب کی تباہی سازش سے مسلط ہونے والی کٹھ پتلیوں کا کلیدی ہدف تھا۔ مزید کہا کہ مجرموں کے ٹولے کی اس شرمناک کوشش کی ہر سطح پر مزاحمت کریں گے۔
انہوں نے لکھا کہ ہمارےرسولِ محترم ﷺ کےفرمان کا مفہوم ہے کہ تباہی ان معاشروں کا مقدر بنتی ہے جہاں کمزور کی پیٹھ پر تو تعزیر کا کوڑا برستا ہے مگر طاقتور قانون کی پہنچ سے دور رہتے ہیں۔ آج نیب کے اس ترمیم شدہ قانون کے ساتھ ہم وائیٹ کالر کرائم کے مجرموں کو احتساب سے مبرّا کرتے ہوئے تباہی کی جانب بڑھ رہے ہیں۔
ہمارےرسولِ محترم ﷺکےفرمان کامفہوم ہےکہ تباہی ان معاشروں کامقدر بنتی ہےجہاں کمزور کی پیٹھ پر تو تعزیر کا کوڑا برستاہےمگر طاقتورقانون کی پہنچ سے دور رہتےہیں۔آج نیب کےاس ترمیم شدہ قانون کے ساتھ ہم وائیٹ کالرکرائم کےمجرموں کواحتساب سےمبرّا کرتے ہوئے تباہی کی جانب بڑھ رہے ہیں۔
— Imran Khan (@ImranKhanPTI) June 20, 2022
عمران خان نے مزید لکھا کہ اس مجرم مافیا کو این آر او ٹو ملے گا اور نیب کے زیرِتفتیش 1200 ارب میں سے 1100 ارب مالیت کے مقدمات اب نیب کے دائرۂ کار سے نکل جائیں گے۔ تاریخ پاکستان کیخلاف اس سازش کے منصوبہ سازوں، اسے کامیاب بنانے والوں کو فراموش کرے گی نہ ہی کبھی معاف کرے گی۔
میڈیا سے گفتگو میں فواد چودھری بولے نیب ترامیم سے شریف اور زرداری فیملی کو براہ راست فائدہ پہنچایا گیا، بارہ سو میں سے گیارہ سو ارب کے کیسز نکل چکے ہیں۔
