نون لیگی رہنماء توانائیاں متاثرین سیلاب کی مدد کیلئے مختص کردیں، نواز شریف
لندن (92 نیوز) - سابق وزیراعظم نواز شریف کہتے ہیں کہ نون لیگ کے تمام ارکان اسمبلی، کارکن اور رہنما توانائیاں متاثرین سیلاب کی مدد کیلئے مختص کردیں۔
PMLN کے تمام MPAs ،MNAs، ورکرز اور لیڈران جو پاکستان یا بیرونِ ملک مقیم ہیں اپنی تمام تر توانائی سیلاب زدگان کی مدد کے لئیے مختص کر دیں۔سیاست انتظار کر سکتی ہے،اس وقت ہماری اولین ترجیح مشکلات میں گھرے ہمارے بہن بھائی ہیں،جن کی تکالیف کے ازالے کیلئے ہمیں ہر ممکن اقدام کرنا ہو گا۔
— Nawaz Sharif (@NawazSharifMNS) August 27, 2022
سابق وزیراعظم نواز شریف نے ٹویٹ پیغام میں پاکستان اور بیرون ملک مقیم تمام پارٹی رہنماؤں کو امدادی سرگرمیوں کی ہدایت کردی۔
انہوں نے کہا سیاست انتظار کر سکتی ہے، اس وقت اولین ترجیح مشکلات میں گھرے بہن بھائی ہیں، متاثرین سیلاب کی تکالیف کے ازالے کیلئے ہر ممکن اقدام کرنا ہوگا۔