Saturday, July 2, 2022

ملک بھر میں چوبیس گھنٹے میں کورونا کیسز سے تین اموات

ملک بھر میں چوبیس گھنٹے میں کورونا کیسز سے تین اموات
March 25, 2022 ویب ڈیسک

اسلام آباد (92 نیوز) - ملک بھر میں چوبیس گھنٹے میں کورونا کیسز سے تین اموات واقع ہوئیں۔

این سی او سی کے مطابق کورونا کیسز کی شرح 1.10 فیصد رہی۔ ملک بھر میں کورونا کیسز سے جاں بحق افراد کی تعداد 30 ہزار 336 رہی۔ ترجمان محکمہ صحت پنجاب کے مطابق گزشتہ 24 گھنٹوں کے دوران صوبہ بھر سے کورونا کے 58 نئے کیسز سامنے آئے۔ کورونا کے باعث کوئی ہلاکت رپورٹ نہیں ہوئی۔ صوبہ بھر کے تمام شہروں میں کورونا کے مثبت کیسز کی مجموعی شرح 0.4 فیصد ریکارڈ کی گئی۔

لاہور میں کورونا وائرس کے مثبت کیسز کی شرح 0.8 فیصد، راولپنڈی میں 0.4 ریکارڈ کی گئی ہے۔ فیصل آباد میں مثبت کیسز کی شرح 1.3 فیصد، ملتان سے 0.1 فیصد جبکہ گوجرانولہ سے 0.1 فیصد ریکارڈ کی گئی۔