مصنوعی قلت پیدا کرنے میں ملوث لوگوں سے آہنی ہاتھوں سے نمٹا جائے گا، وزیراعظم عمران خان

اسلام آباد (92 نیوز) وزیراعظم عمران خان کی زیر صدارت ملک میں کھاد خصوصاً یوریا کی طلب اور رسد کا جائزہ لینے کے لیے اجلاس ہوا۔

وزیراعظم کا کہنا ہے کہ جو لوگ مصنوعی قلت پیدا کرنے میں ملوث ہیں ان سے آہنی ہاتھوں سے نمٹا جائے گا، ملک میں روزانہ 25,000 ٹن یوریا کی پیداوار ہوتی ہے۔

اُنہوں نے صوبائی چیف سیکرٹریز کھاد کی ذخیرہ اندوزی، اسمگلنگ روکنے کیلئے مؤثر اقدامات کریں۔ حکومت غذائی تحفظ کو یقینی بنانے کے لیے گندم کی زیادہ سے زیادہ پیداوار پر توجہ مرکوز کیے ہوئے ہے۔ کاشتکاروں کو خاص طور پر اگلے تین ہفتوں میں کھاد کی دستیابی بہت اہم ہے۔

وزیر اعظم کا کہنا تھا کہ گزشتہ سال ملک میں گندم، گنے، کپاس اور مکئی کی ریکارڈ بمپر فصلیں پیدا ہوئیں، اور حکومت کی زراعت دوست پالیسیوں کی وجہ سے مالی سال 2020-2021 میں  کسانوں نے 822 ارب روپے اضافی آمدنی حاصل کی۔ اضافی آمدنی کے نتیجے میں کسانوں کی طرف سے یوریا کی زیادہ خریداری ہوئی ہے۔

اُنہوں نے کہا کہ کاشتکاروں کو خاص طور پر اگلے تین ہفتوں میں کھاد کی دستیابی گندم کی بمپر فصل ماڈل کرنے کے لیے بہت اہم ہے۔  

وزیر اعظم عمران خان نے متعلقہ حکام کو ربیع کی فصلوں کے لیے یوریا کی سپلائی چین کے موثر انتظام کے لیے تمام ممکنہ اقدامات کرنے کی ہدایت کی۔

انہوں نے تمام متعلقہ حکام کو ہدایت کی کہ وہ کھاد کے پروڈیوسرز سمیت تمام اسٹیک ہولڈرز کے ساتھ مل کر کام کریں تاکہ اس سال گندم کی ریکارڈ پیداوار حاصل کرنے کے لیے کسانوں کو یوریا کی مناسب فراہمی کو یقینی بنایا جا سکے۔