مریم نواز کا وائس چانسلر جی سی یو کیخلاف کارروائی کا مطالبہ
لاہور (92 نیوز) - نون لیگ کی نائب صدر مریم نواز نے وائس چانسلر جی سی یو کیخلاف کارروائی کا مطالبہ کردیا۔
مریم نواز نے کہا تعلیمی ادارے کو فتنے کیلئے استعمال کیا گیا، تعلیمی ادارے میں سیاسی جلسے پر سخت کارروائی کی جائے، ادارے کو سیاسی نفرت پھیلانے کیلئے استعمال کرنا جرم ہے، سزا دی جائے۔
Strict action must be taken against Vice Chancellor Government College Uni for desecrating an educational institution by lending it to a Fitna & organising his jalsa on the premises. Using a seat of learning for political hate-mongering is a crime that should not go unpunished.
— Maryam Nawaz Sharif (@MaryamNSharif) September 26, 2022
گورنرپنجاب محمدبلیغ الرحمان نے گورنمنٹ کالج یونیورسٹی میں چیئرمین پی ٹی آئی کے سیاسی پروگرام کانوٹس لے لیا۔ بطور چانسلر گورنر بلیغ الرحمان نے گورنمنٹ کالج یونیورسٹی میں سیاسی پروگرام کے انعقاد کا نوٹس لیا ہے۔
ان کا کہنا ہے کہ ملک کے نامور تعلیمی ادارے کو گورنمنٹ کالج یونیورسٹی کا سیاسی اکھاڑہ بنانا افسوس ناک ہے، جامعات میں اس طرح کے سیاسی جلسوں کی گنجائش نہیں، بچے ہمارا مستقل اور قومی سرمایہ ہیں انہیں سیاست میں دھکیلنے کی کوئی گنجائش نہیں۔
