عمران نیازی مہنگائی سے عوام کی زندگیاں چھیننے کے بجائے استعفیٰ دے دیں، شہباز شریف
لاہور (92 نیوز) اپوزیشن رہنماء شہباز شریف نے کہا کہ عمران نیازی مہنگائی سے عوام کی زندگیاں چھیننے کے بجائے استعفیٰ دے دیں۔
شہباز شریف نے بجلی کی قیمت میں تین روپے سے زائد اضافہ مسترد کرتے ہوئے اپنے بیان میں کہا حکومت کے پاس صرف مہنگائی اور کرپشن کا پلان ہے، حکومت سے نجات سے ہی عوام کو ریلیف ملے گا۔
عمران نیازی ہر روز مہنگائی کی بجلی عوام پر گراتے ہیں، پٹرول بم گرانے کی تیاری ہے۔ یہ حکومت صرف مہنگائی کی تبدیلی لائی، ہرروز اشیاءکی قیمت تبدیل ہوجاتی ہے۔