Tuesday, June 25, 2024

عمران خان تمہاری چیخیں غلط نہیں کیونکہ تم سازشوں کے سرغنہ رہے ہو، مریم نواز

عمران خان تمہاری چیخیں غلط نہیں کیونکہ تم سازشوں کے سرغنہ رہے ہو، مریم نواز
February 25, 2023 ویب ڈیسک

لاہور (92 نیوز) - مسلم لیگ نون کی سینئر نائب صدر و چیف آرگنائزر مریم نواز نے عمران خان کو جوب دیتے ہوئے کہا ہائے غالب کیسے گر گئے؟

ہفتہ کے روز اپنے ٹویٹ پیغام میں انہوں لکھا کہ عمران خان تمہاری چیخیں غلط نہیں کیونکہ تم سازشوں کے سرغنہ رہے ہو۔ عمران خان تم اپنے گاڈفادر فیض اور اس کے ٹولے کی مدد سے انہی سازشوں پر پلتے رہے ہو، اب تمہارے جیسے لاڈلے اور پیادے ہمیشہ کے لیے دفن ہو جائیں گے۔

مریم نواز نے مزید لکھا کہ آپ کی "چور ڈاکو" کی داستان نہ صرف منہ کے بل گر گئی ہے بلکہ توشہ خانہ کی ڈکیتی پکڑی گئی۔ حقیقت یہ ہے کہ آپ عدالتوں سے گریز کر رہے ہیں اور التواء کی بھیک مانگ رہے ہیں، آپ کے مجرم ہونے کا واضح اعتراف ہے۔