عمران خان واحد سیاستدان ہے جو ایک ہی فیصلے میں بے نقاب ہوا، مریم نواز

لاہور (92 نیوز) - مسلم لیگ نون کی نائب صدر مریم نواز کہتی ہیں کہ عمران خان واحد سیاستدان ہے جو ایک ہی فیصلے میں بے نقاب ہوا۔

فتنہ خان پاکستان کا پہلا اور واحد سیاستدان ہے جو ایک ہی فیصلے میں ناقابلِ تردید ثبوتوں کے ساتھ بیک وقت جھوٹا،کرپٹ،منی لانڈرر اور بیرونی قوتوں کے ایماء پر کام کرنے والا ثابت ہوا ہے۔اس کا اپنا ہی بنایا ہوا جھوٹا ایمانداری اور حب الوطنی کا بت آج اوندھے منہ گر گیا۔

بیشک اللّہ حق ہے!

— Maryam Nawaz Sharif (@MaryamNSharif) August 2, 2022

منگل کے روز الیکشن کمیشن کے فیصلے پر ردعمل دیتے ہوئے اپنے ٹویٹ پیغام میں انہوں نے لکھا کہ ’’عمران خان جھوٹا، کرپٹ، منی لانڈرر اور بیرونی قوتوں کی ایما پر کام کرنے والا ثابت ہوگیا۔ عمران خان نے ایمانداری اور حب الوطنی کا جھوٹا بت بنایا، جو آج اوندھے منہ گر گیا۔ ‘‘

مریم نواز نے مزید لکھا کہ ’’ قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا۔ اس پیسے کو ملک میں فتنہ فساد اور بربادی کے لیے خرچ کرتا رہا۔‘‘