عمران خان نے امریکی لابنگ فرم سے معاہدہ کر کے اپنے بیرونی سازش کے بیانیہ کو دفن کردیا، شرجیل میمن
کراچی (92 نیوز) - وزیرِاطلاعات سندھ شرجیل میمن کا کہنا ہے عمران خان نے امریکی لابنگ فرم سے معاہدہ کر کے اپنے بیرونی سازش کے بیانیہ کو دفن کردیا۔
ہفتہ کے روز اپنے بیان میں انہوں نے کہا کہ عمران خان نے پی ٹی آئی کو ایک مافیا کی صورت دے دی ہے، صدر مملکت عارف علوی کا اپنا بیٹا اداروں کے خلاف سوشل میڈیا مہم میں پیش پیش ہے۔
شرجیل میمن نے کہا کہ پی ٹی آئی کا ساڑھے تین سالہ اقتدار عوام کے لیے ڈراؤنہ خواب تھا۔ افسوس کی بات ہے کہ ایف آئی اے کی فارن فنڈنگ انکوائریز سے بھاگنے کے لیے پی ٹی آئی کو عدالتوں سے اسٹے آرڈرز مل رہے ہیں۔