عمران خان کا دورہ لاہور منسوخ، حلیم عادل شیخ کی گرفتاری کی شدید مذمت

اسلام آباد (92 نیوز) - چیئرمین تحریک انصاف (پی ٹی آئی) عمران خان نے دورہ لاہور منسوخ کردیا۔ انہوں نے سندھ میں قائدِ حزب اختلاف حلیم عادل شیخ کی گرفتاری کی شدید مذمت کی۔

چیئرمین پی ٹی آئی عمران خان خراب موسم کے باعث اسلام آباد ائیر پورٹ سے بنی گالہ واپس چلے گئے۔ اب ویڈیو لنک پی ٹی آئی اور ق لیگ کی پارلیمانی پارٹی اجلاس کی صدارت کریں گے۔

سندھ حکومت کی جانب سے سندھ میں قائدِ حزب اختلاف حلیم عادل شیخ کی گرفتاری و ایذارسانی کی شدید مذمت کرتا ہوں۔ یہ نری فسطائیت ہے جس سے زرداری و شریف مافیاز کی یہ ذہنیت جھلکتی ہے کہ جسے خرید نہ سکو اسے مٹا دو۔ ایک جمہوری سماج میں یہ ہتھکنڈے قطعی طور پر ناقابلِ قبول ہیں۔

— Imran Khan (@ImranKhanPTI) July 28, 2022

ادھر عمران خان ٹویٹ پیغام میں سندھ حکومت کی جانب سے سندھ میں قائدِ حزب اختلاف حلیم عادل شیخ کی گرفتاری کی شدید مذمت کی، کہا کہ یہ نری فسطائیت ہے جس سے زرداری و شریف مافیاز کی یہ ذہنیت جھلکتی ہے کہ جسے خرید نہ سکو اسے مٹا دو۔ ایک جمہوری سماج میں یہ ہتھکنڈے قطعی طور پر ناقابلِ قبول ہیں۔

میں نے پنجاب حکومت کو جنوبی پنجاب کے تباہ حال اور ضلع میانوالی کے متاثرہ علاقوں میں سیلاب زدگان کی فوری مدد کی ہدایت کی ہے۔اس کے ساتھ میں نےخیبر پختونخوا حکومت کو بھی بلوچستان میں سیلاب سےمتاثرہ آبادی کیلئے امدادی سامان کی فوری ترسیل کی ذمہ داری سونپی ہے۔

— Imran Khan (@ImranKhanPTI) July 28, 2022

انہوں نے مزید کہا کہ میں نے پنجاب حکومت کو جنوبی پنجاب کے تباہ حال اور ضلع میانوالی کے متاثرہ علاقوں میں سیلاب زدگان کی فوری مدد کی ہدایت کی ہے۔اس کے ساتھ میں نےخیبر پختونخوا حکومت کو بھی بلوچستان میں سیلاب سےمتاثرہ آبادی کیلئے امدادی سامان کی فوری ترسیل کی ذمہ داری سونپی ہے۔