عمران خان کا آئندہ ہفتے سے سڑکوں پر آنے کا اعلان
لاہور (92 نیوز) - چیئرمین پی ٹی آئی عمران خان کا آئندہ ہفتے سے سڑکوں پر آنے کا اعلان کردیا۔
ہفتہ کے روز عمران خان نے ریلی کے شرکاء سے خطاب میں کہا کہ 14 مئی کو الیکشن نہ ہوئے تو سڑکوں پر ہونگے، اگلے ہفتے سے چودہ مئی تک جلسے کروں گا۔
چیئرمین پی ٹی آئی نے کہا کہ مجھے دو دفعہ قتل کرنے کی کوشش کی گئی، جب تک الیکشن نہیں ہوتے سانس نہیں لیں گے۔ ہمارے اوپر قاتلانہ حملے ہوئے کسی کو پرواہ نہیں، قوم کا نقصان ہورہا ہے ان کو پرواہ نہیں ہے۔
ایک ہی ہفتے کے دوران دو مرتبہ اتنی کثیر تعداد میں باہر نکلنے پر میں اہلِ لاہور کا مشکور ہوں۔ میں ان تمام لوگوں کا بھی شکر گزار ہوں جو آئین اور قانون کی حکمرانی کا ساتھ نبھانے کیلئے آج پاکستان بھر میں نکلے۔ pic.twitter.com/wgyuRajCRh
— Imran Khan (@ImranKhanPTI) May 6, 2023
دوسری جانب اپنے ٹویٹ پیغام میں انہوں نے کہا کہ ایک ہی ہفتے کے دوران دو مرتبہ اتنی کثیر تعداد میں باہر نکلنے پر میں اہلِ لاہور کا مشکور ہوں۔ ان تمام لوگوں کا بھی شکر گزار ہوں جو آئین و قانون کی حکمرانی کا ساتھ نبھانے کیلئے آج پاکستان بھر میں نکلے۔
