عمران خان ہر نئے دن اپنے پرانے بیان سے یوٹرن لیتے ہیں، شیری رحمٰن
اسلام آباد (92 نیوز) - وفاقی وزیر برائے ماحولیاتی تبدیلی شیری رحمٰن کہتی ہیں عمران خان ہر نئے دن اپنے پرانے بیان سے یوٹرن لیتے ہیں۔ الزام تراشی اور گالم گلوچ کر کے رعایتیں لینے کا دور اب گزر چکا۔
جمعہ کو عمران خان کے بیانات پر ردعمل میں ٹوئٹ پیغام میں کہا کہ اپنی گرفتاری کو روکنے کیلئے لوگوں کو سڑکوں پر آنے کیلئے کیوں اکسا رہے ہیں؟ اگر کوئی جرم نہیں کیا تو گرفتاری کا ڈر کیوں ہے؟
مخالفین کو ہسپتالوں سے اٹھا کر جیل بھیجنے والا خود گرفتاری سے کیوں خوفزدہ ہے؟ اپنی گرفتاری کو روکنے لیئے لوگوں کو سڑکوں پر آنے کو کیوں اکسا رہے ہیں؟ دوسروں کو جھوٹے کیسز بنا کر گرفتار کرنے والا شخص اتنا کیوں بوکھلا گیا ہے؟ اگر کوئی جرم نہی کیا تو گرفتاری کا ڈر کیوں ہے؟ 3/3
— SenatorSherryRehman (@sherryrehman) January 6, 2023
اب پنجاب میں اعتماد کے ووٹ سے توجہ ہٹانے کیلئے الزامات کا نیا سلسلہ شروع کر دیا، ان کو سوالات اداروں یا مخالفین سے نہیں اپنے وزیراعلیٰ سے کرنے چاہئیں۔ نیا بیانیہ بنانے سے حقیقت نہیں بدل جائے گی۔