عمران خان اپنے ہی آئی ایم ایف پروگرام کی بحالی ناکام بنانے کیلئے کوشاں ہیں، وزیراعظم

لاہور (92 نیوز) - وزیراعظم شہباز شریف کا کہنا ہے کہ عمران خان اپنے ہی آئی ایم ایف پروگرام کی بحالی ناکام بنانے کی کوشش کر رہے ہیں۔

وزیراعظم نے کہا کہ سڑکوں پر افراتفری اور فتنہ وفساد اسی ایجنڈے کا حصہ ہے، عمران خان چاہتے ہیں ملک میں عدم استحکام کی آگ بھڑکے۔

انہوں نے مزید کہا کہ بزدل شخص عدالت کو تلاشی نہیں دیتا کیونکہ مجرم ہے، عمران خان کا عدالتوں سے بھاگنا بزدلی کی انتہا ہے۔ نواز شریف اور مسلم لیگ ن کی قیادت نے نیب نیازی گٹھ جوڑ کے بد ترین انتقام کا سامنا کیا ہے۔