Friday, August 19, 2022

منی لانڈرنگ کیس، مونس الہٰی نے ایف آئی اے کو ضمانت کا ریکارڈ جمع کرادیا

منی لانڈرنگ کیس، مونس الہٰی نے ایف آئی اے کو ضمانت کا ریکارڈ جمع کرادیا
June 27, 2022 ویب ڈیسک

لاہور (92 نیوز) - منی لانڈرنگ کیس میں ق لیگ کے رہنماء مونس الہٰی شامل تفتیش ہو گئے، مونس الہٰی نے ایف آئی اے کو ضمانت کا ریکارڈ جمع کرادیا۔

مسلم لیگ ق کے رہنماء مونس الہی منی لانڈرنگ کیس میں شامل تفتیش ہوگئے ہیں۔ مونس الہٰی نے ایف آئی اے آفس میں پیش ہوکر تحقیقاتی ٹیم کو اپنی ضمانتی روبکار جمع کروائی۔

مو نس الہٰی چار جولائی تک عبوری ضمانت پر ہیں۔ ان پر مبینہ طور پر 723 ملین روپے کی منی لانڈرنگ کا الزام ہے۔ مونس الہٰی ایف آئی اے کی طرف سے ملنے والے سوالات کے جوابات بھی جمع کرا چکے ہیں۔