Sunday, May 22, 2022

ملکی سیاسی صورتحال پر ن لیگ کا فرنٹ فٹ پر کھیلنے کا فیصلہ

ملکی سیاسی صورتحال پر ن لیگ کا فرنٹ فٹ پر کھیلنے کا فیصلہ
May 14, 2022 ویب ڈیسک

لندن (92 نیوز) - ملکی سیاسی صورتحال پر ن لیگ نے فرنٹ فٹ پر کھیلنے کا فیصلہ کر لیا۔

لندن میں نواز شریف کی زیر صدارت مسلم لیگ ن کا ایک اور مشاورتی اجلاس ہوا۔ وزیراعظم شہباز شریف ، وفاقی وزرا رانا ثنا اللہ ، خواجہ سعد، خواجہ آصف، سردار ایاز صادق اور سابق وزیراعظم شاہد خاقان عباسی  ، اسحاق ڈار سمیت دیگر رہنماؤں  نے  شرکت  کی۔

اجلاس کے بعد میڈیا سے گفتگو کرتے  ہوئے وزیر دفاع خواجہ آصف بولے ملکی معیشت کے حوالے سے ن لیگ اہم فیصلے لے چکی، اتحادیوں کو اعتماد میں لے کر اعلان کیا جائے گا۔ خواجہ سعد رفیق کا کہنا تھا کہ  مسلم لیگ ن جلد فرنٹ فٹ پر کھیلتی نظر آئے گی ۔ ملک میں افراتفری  کی اجازت نہیں دیں گے۔ سابق وزیراعظم شاہد خاقان عباسی نے بھی نپی تلی گفتگو کی اور کسی سوال کا واضح جواب نہیں دیا۔

مسلم لیگ ن کے  طویل اجلاس میں ملکی سیاسی صورتحال اور  مہنگائی سمیت  دیگر ایشوز پر بات چیت ہوئی۔