ملک بھر میں کورونا سے مزید 20 افراد کا انتقال، 847 نئے کیسز رپورٹ
اسلام آباد (92 نیوز) ملک بھر میں ایک دن میں 20 افراد جان کی بازی ہار گئے۔ گزشتہ روز 847 نئے کیسز سامنے آئے۔
Statistics 27 Feb 22:
Total Tests in Last 24 Hours: 40,127
Positive Cases: 847
Positivity %: 2.11%
Deaths :20
Patients on Critical Care: 1113
ملک بھر میں کورونا کیسزمیں واضح کمی آنے لگی۔ این سی اوسی حکام کا کہنا ہے کہ گزشتہ روز 40 ہزار 127 کورونا ٹیسٹ کیے گئے جن میں سے 847 نئے کیسز سامنے آئے۔ ایک دن میں 20 افراد جاں بحق ہوئے اموات کی مجموعی تعداد 30 ہزار173 ہوگئی۔
ملک بھر میں کورونا کی شرح 2 اعشاریہ 11 فیصد ریکارڈ کی گئی۔ ایکٹو کیسز کی تعداد 36 ہزار 803 ہے۔ سندھ میں ایکٹو کیسز 22 ہزار 667، پنجاب میں 5 ہزار 302، خیبرپختونخوا میں 7 ہزار 510 ایکٹو کیسز ہیں۔
این سی اوسی کے مطابق اسلام آباد میں 598، گلگت بلتستان میں 178، بلوچستان میں 86 جبکہ آزاد جموں و کشمیر میں 462 ایکٹو کیسز ہیں۔ ملک بھر میں 1113 مریضوں کی حالت تشویشناک ہے۔