لاہور پریس کلب کے سامنے قتل نجی ٹی وی کے کرائم رپورٹر حسنین شاہ سپردخاک
![لاہور پریس کلب کے سامنے قتل نجی ٹی وی کے کرائم رپورٹر حسنین شاہ سپردخاک](https://urdu.92newshd.tv/wp-content/uploads/2022/01/25151548_27.webp)
لاہور (92 نیوز) لاہور پریس کلب کے سامنے قتل نجی ٹی وی کے کرائم رپورٹر حسنین شاہ کی نمازجنازہ ادا کر دی گئی جس کے بعد ان کو سپرخاک کر دیا گیا۔
پولیس نے سی سی ٹی وی فوٹیجز سے شوٹرز کو ٹریک ڈاؤن کرنا شروع کر دیا۔ فراہم کردہ نمبر کی چار موٹر سائیکلوں سمیت ان کے مالکوں کو حراست میں لے لیا۔ حسنین شاہ قتل کی ابتدائی رپورٹ آئی جی کو ارسال کر ی گئی۔
واضح رہے کہ لاہور پریس کلب کے قریب 2 موٹرسائیکل سواروں نے فائرنگ کرکے صحافی حسنین شاہ کو قتل کر دیا تھا۔ نامعلوم افراد نے نجی ٹی وی کے صحافی حسنین شاہ کو 14 گولیاں ماریں تھیں ، حملے کرنیوالوں کے فرار ہونے کی سی سی ٹی وی فوٹیج بھی منظرعام پر آ گئی تھی۔
ترجمان پنجاب حکومت حسان خاور کا کہنا تھا کہ قاتلوں کو جلد گرفتار کر لیں گے۔ ذمہ داروں کو ہرصورت کیفر کردار تک پہنچائیں گے۔