لاہور کے علاقہ چونگی امرسدھو میں گھر میں آگ لگنے سے تین بچے جاں بحق
![لاہور کے علاقہ چونگی امرسدھو میں گھر میں آگ لگنے سے تین بچے جاں بحق](https://urdu.92newshd.tv/wp-content/uploads/2022/01/21040210_27.webp)
لاہور (92 نیوز) لاہور کے علاقہ چونگی امرسدھو میں گھر میں آگ لگنے سے تین بچے جاں بحق ہو گئے۔ آتشزدگی میں میاں بیوی اورتین بچے زخمی بھی ہوئے۔
جاںبحق ہونے والے میں 2 سالہ علی عباس، 4 سالہ زہرا، 6 سالہ لاریب شامل ہیں۔ آگ لگنے کا واقعہ گزشتہ رات پیش آیا جب گھر کے تمام افراد سو رہے تھے۔ پولیس کے مطابق آگ شارٹ سرکٹ کے باعث لگی جس میں میاں بیوی سمیت 5 افراد جھلس گئے۔
جھلسنے والوں میں میاں بیوی ، 40 سالہ مراتب علی ،35 سالہ مرزانہ جبکہ تین بچے شامل ہیں۔ زخمیوں کو طبی امداد کیلئے جنرل اسپتال منتقل کر دیا گیا۔