کرنٹ اکاؤنٹ خسارے پر قابو پانے کیلئے اقدامات کے نتائج سامنے آ رہے ہیں، وزیراعظم

اسلام آباد (92 نیوز) - وزیراعظم عمران خان نے کہا ہے کہ کرنٹ اکاؤنٹ خسارے پر قابو پانے کیلئے اقدامات کے نتائج سامنے آ رہے ہیں۔

جاری کھاتوں کاخسارہ محدودکرنےکیلئےاٹھائےگئےبروقت اقدامات نتیجہ خیز ثابت ہورہےہیں۔خسارہ 0.5ارب $ تک سمٹ چکاہےجوجنوری سے2ارب $کم جبکہ سالِ رواں کےماہانہ خساروں میں سےکم ترین ہے۔برآمدات بلند ترین سطح پر ہیں،درآمدات مقامِ بلندسے21%نیچے جبکہ لارج سکیل مینوفیکچرنگ ٹھوس نمو دے رہی ہے۔

— Imran Khan (@ImranKhanPTI) March 19, 2022

ہفتہ کو اپنے ایک ٹویٹ میں وزیراعظم عمران خان نے کہا کہ حسابات جاریہ پر قابو پانےکے اقدامات نتیجہ خیز ثابت ہو رہے ہیں۔ ان اقدامات کے باعث فروری میں کرنٹ اکائونٹ خسارہ صرف 0.5 ارب ڈالر تک کم ہو گیا ہے جو جنوری میں 2 ارب ڈالر تھا۔ انہوں نے کہا کہ فروری کا کرنٹ اکاؤنٹ ماہانہ خسارہ رواں مالی سال میں سب سے کم خسارہ رہا ہے۔

وزیراعظم نے کہا کہ اس دوران ماضی میں کی گئی سب سے زیادہ برآمدات کے مقابلے میں فروری 2022 میں برآمدات میں نمایاں اضافہ جبکہ درآمدات میں 21 فیصد کمی ہوئی ہے جس کی بنیادی وجہ بڑے صنعتی اداروں کی
پیداوار میں مستحکم شرح نمو ہے۔