Friday, March 29, 2024

کورونا کے وار تیز، 4 ماہ بعد کیسز 4 ہزار سے تجاوز، مزید 9 افراد جاں بحق

کورونا کے وار تیز، 4 ماہ بعد کیسز 4 ہزار سے تجاوز، مزید 9 افراد جاں بحق
January 16, 2022 ویب ڈیسک

اسلام آباد (92 نیوز) ملک میں کورونا کے وار تیز ہوگئے، 4 ماہ بعد کورونا کیسز کی تعداد پھر 4 ہزار سے تجاوز کرگئی جبکہ 9 افراد جاں بحق ہوئے۔

نیشنل کمانڈ اینڈ کنٹرول سینٹر کے مطابق 24 گھنٹوں میں 4 ہزار 27 نئے کیس رپورٹ ہوئے۔ مجموعی مثبت شرح سات اعشاریہ آٹھ فیصد تک پہنچ گئی۔

خیبرپختونخوا میں ایک روز میں کورونا کے باعث 5 افراد جاں بحق ہوئے، ادھر کیسز بڑھنے پر اسلام آباد ایف نائن میں ماس ویکسی نیشن سنٹر دوبارہ کھول دیا گیا۔