کورونا کے باعث مزید 18 اموات، 861 افراد میں وائرس کی تشخیص
اسلام آباد (92 نیوز) - ملک بھر میں کورونا وائرس کے کیسز میں کمی آرہی ہے۔ گزشتہ 24 گھنٹے میں کورونا کے باعث 18 اموات رپورٹ ہوئیں جبکہ 861 افراد میں وائرس کی تشخیص ہوئی۔ گزشتہ روز کیسز مثبت آنے کی شرح 2.29 فیصد ریکارڈ کی گئی۔
Statistics 1 Mar 22:
Total Tests in Last 24 Hours: 37,566
Positive Cases: 861
Positivity %: 2.29%
Deaths :18
Patients on Critical Care: 988
این سی او سی کے مطابق مجموعی طور پر سب سے زیادہ کیسز میں سندھ میں ریکارڈ کئے گئے جہاں اب تک پانچ لاکھ 68ہزار 277 کیسز سامنے آچکے ہیں۔ پنجاب میں 5 لاکھ ایک ہزار 544، خیبرپختونخوا میں 2 لاکھ سولہ ہزار 176 اور بلوچستان میں 35 ہزار 345 افراد میں کورونا وائرس کی تشخیص ہوچکی ہے۔
وفاقی دارالحکومت اسلام آباد میں اب تک ایک لاکھ 34 ہزار 404 افراد جبکہ آزاد کشمیر 42 ہزار 978 افراد کورونا کا شکار ہوچکے ہیں۔ گلگت بلتستان میں بھی 11 ہزار 499 افراد میں کورونا وائرس کی تشحیص ہوئی۔
