کورونا چیلنجز کے باوجود ملک میں کاروباری شرح بڑھی، وزیراعظم

اسلام آباد (92 نیوز) وزیراعظم عمران خان کا کہنا ہے کورونا چیلنجز کے باوجود ملک میں کاروباری شرح بڑھی۔

وزیراعظم عمران خان نے اپنے ٹویٹر پیغام میں کہا نو ماہ میں رجسٹرڈ کاروباروں کے منافع میں 59 فیصد اضافہ ہوا۔

وباءجیسےچیلنج کےباوجود(مالی سال کے) پہلے9ماہ میں لِسٹِڈ بزنسز کےسالانہ منافع میں 59% اضافہ ظاہرکرتاہےکہ ہماری معیشت ٹھوس اندازمیں پھلنےپھولنےکیساتھ نوکریوں کو جنم دے رہی ہے۔مجھےامیدہےکہ کاروباری ادارے+انکےمالکان منافع میں اپنے ملازمین کو حصہ دار بنائیں گے۔https://t.co/8WRSH3ip52

— Imran Khan (@ImranKhanPTI) January 8, 2022

کاروباری منافع سے متعلق گراف شیئر کرتے ہوئے مزید لکھا کہ ظاہر ہوتا ہے ملکی معیشت مضبوط اور ترقی ہو رہی ہے۔ امید ہے کاروبار اور آجر فوائد میں اپنی انفرادی قوت کو بھی شامل کریں گے۔

قبل ازیں وفاقی وزیر اطلاعات فواد چودھری کا کہنا تھا پاکستان اسٹاک مارکیٹ نے 10 برسوں میں سب سے زیادہ منافع کمایا۔ پاکستان اسٹاک مارکیٹ 258 ارب کے ساتھ منافع بخش رہی۔